Framför, samtök karlmanna með krabbamein í blöðruhálsi og aðstandenda var stofnað þann 12. febrúar 2007. Tilgangur félagsins er að styðja karlmenn sem hafa greinst með krabbamein í blöðruhálskirtli og maka þeirra og aðstandendur. Aðal hvatamaður að stofnun félagsins var Oddur Benediktsson. Framför starfar í dag á landsvísu sem sjálfstætt áhugamannafélag og er aðili að Krabbameinsfélagi Íslands. 

​

Framför styrkti umfangsmikið rannsóknarverkefni varðandi krabbamein í blöðruhálskirtli við Miðstöð Háskóla Íslands í lýðheilsuvísindum. Að tilstuðlan Framfarar var bókin „Cooking with food that fight cancer“ þýdd. Titill bókarinnar á íslensku er: Bragð í baráttunni – matur sem vinnur gegn krabbameini. Útgefandi var JPV útgáfa. 

​

Stefnt er að því að félagið hafi umsjón með stuðningshópum BHKK greindra og þeir verði hluti af starfsemi félagsins:

​​

1. Frískir menn – menn sem greinst hafa með BHKK en ekki farið í meðferð.

2. Góðir hálsar – menn sem hafa greinst með BHKK og farið í meðferð.

3. Aðstandendur - stefnt er að því að stofna þriðja stuðningshópurinn fyrir maka og aðra aðstandendur.

 

Framför er aðili að Evrópusamtökum blöðruhálskirtilsgreindra manna Europa UOMO sem er öflugur málsvari og stuðningssamtök BHKK samtaka í 27 Evrópulöndum - https://www.europa-uomo.org/.  

​

Á aðalfundi Framfarar 8. apríl 2019 var félagið endurreist fyrir forgöngu stuðningshópsins Frískir menn og kosin ný stjórn sem hefur verið að skilgreina og undirbúa stefnumótun í uppbyggingu á framtíðarstarfi félagsins. Í framhaldi af þessari vinnu var lögum félagsins breytt og ný stjórn kosin 17. október 2020.

​

Stjórn sem kosin var 17. október 2020:

​

• Formaður: Þráinn Þorvaldsson, alud@mmedia.is, sími 897-8464 

• Gjaldkeri: Hinrik Greipsson, hinrik.greipsson@internet.is, sími 892-3355

• Meðstjórnandi: Guðmundur Örn Sverrisson

• Fulltrúi Góðra hálsa: Jakob Garðarsson

• Fulltrúi Friskra manna: Guðmundur Einarsson
   

• Framkvæmdastjóri: Guðmundur G. Hauksson, gudmundur@framfor.is, sími 8435565

• Skrifstofa Skógarhlíð 8, 105 Reykjavík: Opin mánudaga, þriðjudaga og miðvikudaga kl. 13:00 - 16:00 - Sími 5515565

​